قيود نهاية الفترة في 5
تاريخ النشر: 2026/6/9
يا باشمحاسب — قيود نهاية الفترة بتعمل فيها إيه بالظبط؟ 🤔
سواء إنت فريش لسه طالع من الكلية 🎓 أو خبرة 8-10 سنين 💼 أو مدير مالي 👔 —
الموضوع ده بيفرق بين قوائم مالية صح وقوائم فيها ثغرات هتبقى مشكلة وقت المراجعة.
ما هي القوائم ايه غير صورة معبرة عن الواقع في شكل تقارير، شغلتنا نقدم تقارير واقعية عشان أصحاب القرار يعرف ياخد قرار سليم في وقت سليم.
🔴 المشكلة:
80% من المحاسبين بيوصلوا لآخر الشهر أو السنة ومش عارفين يرتبوا قيود التسويات الصح —
النتيجة؟ أرقام قائمة الدخل غلط، والميزانية بتكذب عليك.
🟢 الدواء — قيود نهاية الفترة في 5 خطوات عملية:
1️⃣ قيد مصروف الإهلاك (الأصول الثابتة)
سجّل إهلاك الأصول زي الأثاث ووسائل النقل والمعدات.
مثال في مصنع 🏭: آلة اشتريتها بـ 400,000 جنيه — عمرها الإنتاجي 10 سنين — القيد:
40,000 من حـ/ مصروف الإهلاك
40,000 إلى حـ/ مجمع الإهلاك
2️⃣ قيد المصروفات المستحقة (اللي استهلكت وتخص الفترة بس مدفعتهاش)
مطعم 🍽️ — إيجار ديسمبر هيتدفع يناير؟
20,000 من حـ/ مصروف الإيجار
20,000 إلى حـ/ إيجار مستحق الدفع
3️⃣ قيد الإيرادات المستحقة (وليست نشاطك الأساسي) (اللي اشتغلت فيها بس مقبضتهاش)
ايجار مقر غير مستعمل / ايجار قطعة ارض جراج للغير — ميعاد الايجار جه في نهاية الشهر بس اللي مأجر لسه ما دفعش:
4,000 من حـ/ إيرادات مستحقة (أصول متداولة)
4,000 إلى حـ/ الإيرادات
4️⃣ قيد المصروفات المدفوعة مقدماً (تحميل النصيب الصح على الفترة)
دفعت تأمين سنوي 120,000 جنيه — نصيب الشهر 10,000 بس:
10,000 من حـ/ مصروف التأمين
10,000 إلى حـ/ تأمين مدفوع مقدماً (أصول متداولة)
5️⃣ قيد الإيرادات المحصلة مقدماً (توزيع الإيراد على فتراته)
شركة E-commerce (تجارة إلكترونية) 💻 — عميل دفع اشتراك سنوي 60,000 جنيه؟
سجّل نصيب الشهر بس كإيراد، والباقي التزام.
شايف الفرق؟ 💡
المحاسب اللي بيعمل التسويات دي صح — قوائمه المالية بتعبّر عن الحقيقة.
اللي بيتجاوزها — بيغش نفسه قبل ما يغش أي حد تاني.